राज्यात बंद पडलेल्या यंत्रमाग व्यवसायाला नवसंजीवनी मिळणार...

राज्यात बंद पडलेल्या यंत्रमाग व्यवसायाला नवसंजीवनी मिळणार...

1 जुलै 2016 पासूनच्या वीजदारात प्रति युनिट 1 रुपये सवलत

कर्जाचा 5 टक्के व्याजाची सवलत 5 वर्षांकरीता देण्याबाबतचा प्रस्ताव
   
    
        राज्यातील जवळपास 90 हजार यंत्रमाग धारकांना दिलासा देण्यासाठी *15 दिवसाच्या आत मंत्रीमंडळाच्या बैठकीत महत्वपूर्ण निर्णय घेण्यात येणार* असल्याची माहिती वस्त्रोद्योग मंत्री यांनी विधानसभेत लक्षवेधीच्या सुचनेवर उत्तर देताना सांगितले.

राज्यातील यंत्रमागधारकांनी बँकांकडून घेतलेल्या कर्जाचा 5 टक्के व्याजाची सवलत 5 वर्षांकरीता देण्याबाबतचा प्रस्ताव वित्त विभागाकडे देण्यात आला आहे. तसेच साध्या यंत्रमाग धारकांना 1 जुलै 2016 पासूनच्या वीजदारात प्रति युनिट 1 रुपये सवलत देण्याचा प्रस्तावही ऊर्जा विभागाने वित्त विभागाला दिला आहे.

*हा प्रस्ताव अधिवेशन संपल्यानंतर लगेच राज्य मंत्रिमंडळाच्या बैठकीत सादर* करून मंजूर करण्यात येणार असल्याची माहिती दिली.

वस्त्रोद्योगमंत्री सुभाष देशमुख यांनी सभागृहात दिलेल्या आश्वासनावर समाधान व्यक्त करत, समाजवादी पक्षाचे नेते आणि आमदार अबू आझमी यांनी सांगितले की शासनाच्या वतीने यंत्रमाग धारकांसाठी जो प्रयत्न होत आहे, त्यामुळे *यंत्रमाग धारकांच्या कुटूंबांचा उदरनिर्वाहाचा प्रश्न निश्चित सुटणार* आहे.

©पद्मकमळ